Taro’r nodyn iawn gyda dathliad syrpreis

Gwyliwch y funud hudolus pan rodd côr o bobl sydd wedi’u heffeithio gan ganser syrpreis i RainbowBiz Ltd gyda newyddion am eu grant Dewch i ddathlu.

Ffugiodd côr Sing with Us Gofal Canser Tenovus eu bod wedi dod o’r Gronfa Loteri Fawr cyn taro cân gyda newyddion am y grant gwerth £1,893.

Ymunwyd â nhw gan Brif Weithredwr y Gronfa Loteri Fawr Dawn Austwick, a gyflwynodd y siec.

Sue Oliver

Diolch i arian a godir gan chwaraewyr y Gronfa Loteri Fawr, caiff y grant ei ddefnyddio ar gyfer digwyddiad i ddathlu integreiddio cymunedau amrywiol. Bydd hyn yn cynnwys stondinau wedi eu rhedeg gan grwpiau sy’n dathlu cynhwysedd ac amrywiaeth ynghyd â dangosiad o’r ffilm Pride o 2014.

Mae RainbowBiz Limited yn fenter gymdeithasol yn Sir y Fflint. Ei nod yw hyrwyddo cydraddoldeb ac amrywiaeth gyda gweithgareddau sy’n cynnwys prosiect garddio cymunedol wythnosol, sinema gymunedol a siop hipî. Yn flaenorol derbyniant £5,000 gan y Gronfa Loteri Fawr ar gyfer Gŵyl Amrywiaeth Gogledd-ddwyrain Cymru.

Ar yr un pryd, trwy grant o bron £1 miliwn yn 2011, mae Gofal Canser Tenovus wedi medru sefydlu 15 côr ar gyfer cleifion canser dros 50 oed, eu teuluoedd, gofalwyr a ffrindiau a’r rhai sydd mewn profedigaeth oherwydd y cyflwr ledled Cymru.